- Sion gudogna a Thun en l'emprim gieu da barrascha cun 4:1.
- 2 gols en 2 minutas fan la vita pli simpla per ils da Sion gia suenter in quart d'ura.
- Thun emprova da giugar curaschus, quai na sa paja dentant betg.
- Il gieu da return ha lieu la dumengia a Sion.
Durant diesch minutas ha il FC Thun empruvà da far pressiun a Sion. Ils Vallesans han dentant nizzegià il spiert offensiv dals da Thun – e reagì cun dus gols aifer duas minutas. Uschia era l'emprim gieu da barrascha gia bunamain decidì suenter 15 minutas. Marcà han Guillaume Hoarau cun il chau – e Matteo Tosetti.
Suenter la pausa ha l'emprima attatga persvadenta dal FC Sion manà ad in penalti, quel ha Hoarau realisà en la 63avla minuta. Igl è stà il 14avel gol da Hoarau cunter il FC Thun. En las davosas minutas han Robert Uldrikis (84.) e Dennis Salanovic (89.) procurà cun gols tardivs per il resultat final da 4:1 per Sion.
Il gieu da return tranter il FC Sion ed il FC Thun, ha lieu la dumengia a Sion.