Al siemi da dar golf sin in aut livel europeic s'avischina Jeremy Freiburghaus da Panaduz adina pli fitg. El è daventà segund dal turnier dal Tour da challenge a Stockholm, sulet in culp davos il victur spagnol Emilio Cuartero. Il Grischun da 26 onns ha mussà in'excellenta runda finala da 65 culps. Il plaz 2 a Stockholm porta a Freiburghaus ina summa dal premi da 27’500 euros.
En il classament general dal Challenge Tour è Jeremy Freiburghaus uss quart. Ils megliers 20 a la fin da la stagiun survegnan il 2023 in plaz tar il Tour europeic.