Al campiunadi europeic da triatlon a Madrid ha la Svizra Cathia Schär gudagnà la medaglia da bronz sur la distanza olimpica. Pli sperta che la Romanda da 21 onns èn be stadas Jeanne Lehair dal Luxemburg e Lisa Tertsch da la Germania.
Il triatlon sur la distanza olimpica cumpiglia normalmain 1,5 kilometers nudar, 40 kilometers ir cun velo e 10 kilometers currer. Pervi d'ina contaminaziun da l'aua cun bacterias è il nudar vegnì remplazzà cun ulteriurs 5 kilometers currer.