Triatlon - Atleta svizra metta si record mundial

Record mundial per la triatleta svizra, Daniela Ryf. A Roth en Germania ha ella gudagnà l'Ironman per la terza giada en seria e latiers è ella stada uschè sperta sco anc mai ina dunna avant ella. Per ils 3,8 kilometers nudar, ils 180 kilometers ir cun velo ed ils 42 kilometers currer ha Ryf duvrà 8 uras, 8 minutas e 21 secundas. Quai èn bunamain 10 minutas pli pauc che quai che la Brita Chrissie Wellington aveva duvrà il 2011 en il medem lieu.