Fitg cuntent dastga Jovian Hediger cunzunt esser cun ses prolog, nua ch'el ha gì il meglier temp. Cun la classificaziun tranter ils top 10 èsi però stà ses meglier resultat da la stagiun. La finala èn sulets ils spezialists da sprint, il Norvegiais Johannes Klaebo ed il Talian Federico Pellegrino stads pli svelts. Lezs han era dominà ils finals. La finala ha Klaebo triumfà avant Pellegrino. Cumplettà il podest sco terz ha il Franzos Jouve Richard.
Per Jovian Hediger è il Tour de ski a fin. El è sa participà sulet a las duas cursas da chasa a Lai. Roman Furger ed Erwan Käser han manchentà la penultima runda.
Cologna senza schanza
Cologna ch'ha gia gudagnà quatter giadas il Tour de ski, aveva annunzià gia avant da betg ir al limit en il prolog a Lai, quai per schanegiar ses pulmun. Er sch'el fiss crudà or en il quartfinal avess il Jauer be pudì ramassar paucs puncts per il classament general. El ha gì in retard da bunamain 12 secundas sin il pli spert en la qualificaziun, Johannes Hösflot Klaebo. En la proxima etappa, ina cursa da 15 kilometers en stil liber a Toblach vul Cologna puspè far furora.
RTR novitads 14:00+