La victura dal turnier dad Adelaide , Belinda Bencic, ha cumenzà bain l'Australian Open. Cunter la Bulgara Viktoriya Tomova ha Bencic gudagnà cler e net cun 6:1 e 6:2.
Nagin cletg per Victoria Golubic
Ils gieus sin las plazzas betg cuvertas da Melbourne èn stads interruts ditg pervi da la plievgia – uschia er quel tranter la Svizra Victoria Golubic e la Croata Petra Martic. Entant è la partida a fin, e Golubic ha pers cun 3:6 e 3:6.
