La Associaziun svizra da ballape e la Swiss Football League han undrà a la Swiss Football Night en il Casino Berna las meglras giugadras ed ils megliers giugaders per lur prestaziuns durant l'onn chalendar 2023.
Sco meglra giugadra da l’onn en il team naziunal è vegnida premiada Lia Wälti. Gia il 2021 ha Wälti dastgà prender encunter il premi sco «Female National Player».
Tar ils umens ha Granit Xhaka triumfà sco gia l'onn passà. Il capitani da l'equipa naziunala è dapi ils 15 da november 2023 sulet goli da record en chaussa gieus internaziunals. En il fratemp ha el dà 121 gieus en il tricot da Nati. Il Basilais è stà en tut las 10 partidas da la qualificaziun per l'EM sin il plaz ed ha sajettà 2 gols.