Cun lur victoria cun Son Gagl restan ils Tessinais era suenter la tschintgavla runda dal campiunadi svizzer senza terrada. Per il club da la Svizra orientala èsi l’emprima terrada da la stagiun.
Nov trenader, nov curaschi
La victoria dals Turitgais en il «Ländle» è l'emprima da la stagiun. Il medem temp han els, suenter l’emprim gieu sut il trenader interimistic, Massimo Rizzo, era pudì interrumper ina seria da 12 partidas senza victoria. Grazia a la victoria da la sonda saira n’è l’FCZ era betg pli l’ultim da la tabella. Quel è ussa Vaduz.