Sulet 7 tschientavels perda Corinne Suter sco terza sin la victura Nina Ortlieb. E la segunda, la Taliana Federica Brignone – è perfin sulet in tschientavel davos l’Austriaca tar il super-G a La Thuile en la Val d'Aosta.
Cun pli pauc ch’ina secunda retard sin l’emprima, sa ranghescha trais ulteriurs Svizras en las top diesch. Joana Hählen vegn 7avla (+ 0.82), Wendy Holdener 8avla (+ 0.95) e Lara Gut-Behrami 9avla (+ 0.98).
Rucla pitschna
En la cursa per la rucla pitschna dal super-G ha Corinne Suter anc tuttas schanzas. Ella maina en il classament general cun 19 puncts avant Federica Brignone. Ed i resta anc ina cursa da super-G, al final da la cuppa mundiala a Cortina d'Ampezzo (davent dals 16 da mars).
RTR novitads 12:00