La skiunza Wendy Holdener ha annunzià ch'ella possia prender part al slalom da Levi en Finlanda, uschia scriva ella sin Instagram. Holdener era sa blessada l'entschatta october tar in trenament. Ella aveva rut ossa en omadus mauns. La fin d'emna ha ella testà en in trenament sche ses mauns supportan las fridas da las stangas da slalom. Quest test è stà positiv. A Levi è Holdener gia stada trais giadas sin il podest.
Ord l'archiv
L'onn 2019 è Wendy Holdener stada la davosa giada a Levi sin il podest.