Als gieus olimpics a Peking emprova l’Engiadinais da defender ses titel en il slalom parallel. Auter ch’anc avant quatter onns n’è il snowboardist da 35 onns betg pli en la rolla da favurit. En questa stagiun n’ha el anc cuntanschì nagin plaz da podest en la cuppa mundiala. Galmarini ha dentant er gì da sbatter cun la sanadad ils davos mais. L’emprim ha il dies chaschunà problems, dacurt è el era anc vegnì franà da corona ed uschia ha el er manchentà la cursa da chasa a Scuol.
La qualificaziun dal slalom gigant parallel cumenza ils 8 da favrer a las 03:40, ils finals cumenzan la damaun a las 07:30.