La snowboardista grischuna Bianca Gisler arriva per l'emprima giada sin il podest tar ina concurrenza da la cuppa mundiala. A Bakuriani, Georgia, daventa la giuvna da Scuol terza. Igl è pir la 5avla occurrenza sin il pli aut nivel nua che Bianca Gisler è sa participada. Sin plaz quatter sa tschenta cun Ariane Burri anc ina Svizra.
Victura da la concurrenza da slopestyle è la Canadaisa Laurie Blouin. A la partenza eran sulet sis atletas.
Tar ils umens ha il Svizzer Patrick Hofmann sco quart, da 13 participants – manchentà mo per pauc ses emprim podest sin il livel il pli aut.