Suenter ch'ella era la pli sperta da l'emprim percurs n'è Mikaela Shiffrin betg stada buna d'egualisar il grond record da las plis bleras victorias en la cuppa mundiala dad Ingemar Stenmark. La culla da cristal dal slalom ha l'Americana dentant segirà cun quest resultat per gia la 7avla giada.
Lena Dürr da la Germania è numnadamain stada 6 tschientavels pli sperta che l'Americana. Terza è vegnida la Croata Zrinka Ljutic.
- Lena Dürr 1:30.91
- Mikaela Shiffrin +0,06 secundas
- Zrinka Ljutic +0,49 secundas
La meglra Svizra è stada Michelle Gisin sco 9avla. Wendy Holdener, ch'è vegnida terza ier, ha fatg in grond sbagl curt avant l'arrivada en l'emprim percurs. Per quai n'era ella betg da la partida en il segund percurs.
Las Svizras:
- 9. Michelle Gisin +1,89 secundas
- 23. Camille Rast +2,64 secundas
- 24. Mélanie Meillard +2,78 secundas
- 25. Elena Stoffel +2,79 secundas
- 28. Aline Danioth +2,88 secundas
L'emprim slalom da sonda
Suenter sias dus victorias quest'emna en ils slaloms gigants a Kronplatz è ella er stada la pli sperta tar l'emprim slalom a Spindermühle en la Tschechia. Cun sia 85avla victoria en la cuppa mundiala manca a Shiffrin be pli ina per egualisar il grond record dad Ingemar Stenmark.
Segunda è vegnida la Tudestga Lena Dürr e terza Wendy Holdener
- Mikaela Shiffrin 1:33:85
- Lena Dürr +0,60 secundas
- Wendy Holdener +1,31 secundas
La giuvna Svizra Nicole Good ha mussà cun ses 12avel plaz la meglra prestaziun ad sia carriera. Elena Stoffel è vegnida 16avla e Michelle Gisin 18avla.
Las Svizras:
- 12. Nicole Good +2,83 secundas
- 16. Elena Stoffel +2,92 secundas
- 18. Michelle Gisin +2,95 secundas
- 25. Camille Rast +3,41 secundas
