Tar las dunnas è Lara Gut-Behrami vegnida terza en il slalom gigant da Kranjska Gora. Gudagnà la cursa ha cleramain l’Americana Shiffrin avant la Taliana Federica Brignone. Per Shiffrin èsi stà la 82avla victoria da la cuppa mundiala. Shiffrin ha ensemen cun Lindsey Vonn il record da las pli bleras victorias tar las dunnas.
Andrea Ellenberger è sa meglierada en il segund percurs dal 29avel sin il 12avel plaz. Puncts hai plinavant er dà per Camille Rast, Wendy Holdener, Simone Wild e Michelle Gisin.
