A Bansko en la Bulgaria dominescha Marco Odermatt il slalom gigant da la cuppa mundiala da skis. En il segund percurs cumbattan ils atlets per mintga tschientavla secunda – e lura vegn Odermatt sco davos cun in curs fulminant e realisescha in avantatg da 0,91 secundas sin Alexander Steen Olsen da la Norvegia. Per il Norvegiais è quai l'emprima plazza da podest en la cuppa mundiala da slalom gigant.
Il podest:
- Marco Odermatt SUI 2:15,75
- Alexander Steen Olsen NOR +0,91
- Manuel Feller AUT +1,08
Bunas prestaziuns mussan era Loïc Meillard e Thomas Tumler che sa tschentan in dasper l'auter sco setavel ed otgavel.
Ils Svizzers:
- 1. Marco Odermatt 2:15,75 minutas
- 7. Loïc Meillard +1,51 secundas
- 8. Thomas Tumler +1,59
- 13. Gino Caviezel +2,21
- 18. Fadri Janutin +2,58
- 22. Justin Murisier +2,88
- 25. Livio Simonet +3,16
Betg tanschì per il segund percurs hai per Sandro Zurbrügg (33), Marco Fischbacher (42), Josua Mettler (45), Semyel Bissig è crudà ora.