A Lienz en l'Austria dominescha Mikaela Shiffrin. L'Americana, ch'ha gia gudagnà il slalom gigant, gudogna era il slalom e declassescha tuttas concurrentas. Meglra Svizra è Michelle Gisin che sa tschenta cun in retard da 2,45 secundas sin plazza 3. Quai è gia la terza giada che Gisin sa tschenta a Linz tar il slalom sin il podest sco terza.
Il posdest:
- Mikaela Shiffrin USA 1:48,75 minutas
- Lena Dürr GER +2,34 secundas
- Michelle Gisin SUI +2,45
video
Gisin: «Igl è in pau mia pista preferida»
Or da Sport-Clip dals 29.12.2023.
laschar ir. Durada: 1 minuta 38 Secundas.
Quatter Svizras han cuntanschì il segund percurs, Nicole Good sa tschenta per l'emprima giada sut las top 10:
- 9. Nicole Good +3,47
- 15. Mélanie Meillard +3,94
- 27. Camille Rast +5,07
Shiffrin maina uschia il classament general suenter 14 da 43 cursas cun 900 puncts avant Federica Brignone cun 637 puncts e Petra Vlhova cun 572 puncts. Quarta è Lara Gut-Behrami cun 469 puncts.
