Il podest
- 1. Lucas Braathen (Norvegia) 1:41,48
- 2. Daniel Yule (Svizra) +0,22
- 3. Giuliano Razzoli (Italia) +0,29
I sa tracta da l'emprim podest a Wengen per la Svizra dapi 23 onns. Quai era gartegià il 1999 a Michael von Grünigen. Pli spert ch’il Svizzer Daniel Yule è questa dumengia be stà il Norvegiais Lucas Braathen. Terz vegn il Talian Giuliano Razzoli.
Bun segund percurs da Yule
Daniel Yule è partì medem spert sco Braathen. Tar il davos temp intermediar era el lura 3 tschientavels davos Braathen. Tar l'arrivada era la distanza tar il pli spert lura 22 tschientavels. Cun ses bun segund percurs è el vegnì sin plaz dus.
Ils ulteriurs Svizzers
- 7. Loïc Meillard +0,41
- 15. Ramon Zenhäusern +1,45
- 17. Marc Rochat +1,59
- 23. Reto Schmidiger +2,89
- 24. Tanguy Nef +3,13
- Crudà ora en il segund percurs: Luca Aerni
- Betg en il segund percurs: Sandro Simonet
- Crudà ora en l'emprim percurs: Noel von Grünigen
Il Norvegiais Henrik Kristoffersen, che manava anc suenter l’emprim percurs, è crudà or curt avant l’arrivada.
Sandro Simonet betg sa qualifitgà
Betg sa qualifitgà per il segund percurs n'è Sandro Simonet. Il Grischun ha pers in fist e n'ha uschia gì nagina schanza da far il pass tranter ils top 30.
