Be dus dis avant il cumenzament da la stagiun ha il skiunz norvegiais Lucas Braathen annunzià ch'el sa retira dal sport da skis. La stagiun passada aveva l'atlet da 23 onns gudagnà la culla da cristal pitschna en la disciplina dal slalom.
Il motiv per sia abdicaziun saja la mancanza da respect extrema da la federaziun da skis norvegiaisa. «Jau sun a fin», ha el ditg ad ina conferenza da pressa a Sölden. Il Norvegiais era dà en egl dacurt cura ch'el ha posà per ina marca da moda senza permiss da la federaziun, quella aveva lura discurrì d'in chasti pussaivel.
Or da l'archiv