Schef da passlung - Christian Flury banduna Swiss-Ski

Il schef dal passlung Christian Flury banduna Swiss-Ski per la fin da fanadur. Quai sin agen giavisch, sco la federaziun ha communitgà. Il Grischun da 45 onns è stà durant passa 12 onns en differentas funcziuns aifer il passlung tar Swiss Ski. Tranter auter è el stà trais onns manager dal team en la cuppa mundiala e tar ils campiunadis mundials 2015 a Falun e 2017 a Lahti. Dapi bun dus onns è el stà schef. Tgi che succeda a Flury sco schef dal passlung n’è anc betg cler.