Samuel Giger ch'è stà en la lutga finala triumfescha per la terza giada sin la Schwägalp. Oz sto el parter la victoria cun Daniel Bösch. Cunquai ch'i ha dà nagin victur en la lutga finala tranter Giger e Marcel Mathis, profitescha Daniel Bösch ch'ha fatg tuttina blers puncts sco Giger. Per Giger (2016 e 2018) e per Bösch (2015 e 2017) èsi la terza giada ch'els triumfeschan al pe dal Säntis.
Armon Orlik ha stuì declerar forfait
Las speranzas grischunas eran gia suenter curt temp a fin. Suenter che Armon Orlik ha gudagnà ses emprim duel encunter Mike Müllestein cun la nota da 9.75 ha el stuì declerar forfait per la cuntinuaziun da la lutga sin la Schwägalp. Durant il stgaudar en ha Orlik survegnì ina stratga en il dies.
RR novitads 18:00