Naginas equipas grischunas pli en ils playoff da la segunda liga da hockey. Omadus equipas che eran anc da la partida en il otgavelfinal èn sguladas or da la decisiun. Il EHC San Murezzan ha pers il gieu decisiv cunter Pregassona Ceresio en la prolungaziun cun 5:6. Suenter duos terz manavan ils engiadinais anc cun 5:2. E nagina schanza na ha tegni Lai Valbella encunter Sursee. Lai ha pers il gieu decisiv cleramain cun 0:6.
audio
EHC San Murezzan ha finì la stagiun – Intervista cun Andri Casty
ord Actualitad dals 04.02.2023.
Maletg: RTR
laschar ir. Durada: 4 minutas 7 Secundas.
Gia la mesemna era il Cdh Engiadina crudà or dals playoffs. L’equipa da l’Engiadina Bassa aveva pers la seria dad otgavelfinal cun 0:2 cunter Küssnacht.
Uschia che nagina equipa grischuna na è pli da la partida en ils playoff da la segunda liga. Per tuttas trais equipas è la stagiun a fin.