-
Bild 1 von 6Legenda: Las dunnas rumantschas èn prontas ma tschertgan anc sustegn cunzunt ord l'Engiadina. RTR, S. Degonda -
Bild 2 von 6Legenda: L'emprim trenament è adina il pli dir. RTR, S. Degonda
-
Bild 3 von 6Legenda: I vegn giugà cun grond engaschi. RTR, S. Degonda
-
Bild 4 von 6Legenda: En acziun malgrà la trid'aura. RTR, S. Degonda
-
Bild 5 von 6Legenda: Las duas equipas rumantschas da umens e dunnas che sa participeschan a l'Europeada 2016. RTR, S. Degonda
-
Bild 6 von 6Legenda: Il trenament è dirs per las dunnas rumantschas. RTR, S. Degonda
Fin ussa consista l’emprima equipa da las dunnas ord 11 giugadiras. L'uniun CBR - cultura ballape rumantsch é perquai anc sin la tscheca da rumantschas tge vulan sa participar. Cunzunt vulan els anc giugadras da l’Engiadina ed il Grischun central. «L'entira Rumantschia duess sa presenta a l'Europeada, e na betg mo rumantsch e rumantschas da la Surselva», di Flurin Bundi, il vicepresident dal CBR.
Las premissas per giugar en la squadra da la Rumantschia da dunnas: Savair Rumantsch, esser sur 18 onns e «betg grad avair in pe da fier», ha declerà Bundi cun in surrir.
Emprim trenament sonda passada a Domat
La sonda ha l’equipa da las rumantschas giu l’emprima giada in trenament sin la plazza da ballape a Domat ensemen cun l’equipa rumantscha dals umens. Lezza sa participeschan quest onn per la terza giada a l’Europeada.
La terza ediziun da l’Europeada, nua che minoritads linguisticas dattan ballape in'encunter l’auter, ha lieu ils 18 enfin ils 26 da zercladur 2016 en il Tirol dal Sid.