Gia passa 10 onns dattan las Chicas dal CdH Engiadina en la terz auta liga da hockey da las dunnas, la liga naziunala C. Las Chicas san pia co ch'il campiunadi funcziuna. Ils ultims onns n'eran ellas er mai periclitadas da vegnir relegadas. Ellas han adina pudì tegnair la liga ed èn s'etablidas en il champ d’amez da la tabella.
Problematica da paucas giugadras resta
Era sche las Chicas dal CdH Engiadina giogan gia blers onns en la liga naziunala C resta il problem ch'i dat paucas giugadras. Dapi onns sbatta l’equipa da las dunnas cun quest problem ed i na vegn betg meglier. En vista a la nova stagiun han las Chicas puspè activà giugadras che n'eran betg pli da la partida pervi ch’ellas èn vegnidas mammas. Uss suenter la pausa da maternitad èn ellas puspè prontas da giugar hockey. Er sche las pussaivladads èn limitadas en l'Engiadina Bassa, èsi adina gartegià da tegnair ensemen in'equipa. En auters lieus han las equipas da dunnas stuì ceder ed chalar.
Finamira da tegnair la liga
Las dunnas dal CdH Engiadina vulan restar en la liga naziunala C e betg avair da far insatge cun la relegaziun en ina liga pli bassa. Sco auter onns è la finamira principala era durant questa stagiun da tegnair la liga, ina finamira realisabla.