Per ils hockeyans da Cuira ha il viadi en il Tessin rendì. En la My Hockey League ha Cuira gudagnà ordaifer cunter Bellinzona cun 5:2. L'EHC Cuira ha fatg l'emprim gol curt avant la fin da l'emprim terz. Bellinzona ha pudì egualisar la partida en il segund terz ed ha per curt mument schizunt pudì ir en avantatg.
Cuira ha lura dentant fatg trais ulteriurs gols en il segund terz ed anc in en il davos terz. Bellinzona ha stuì ceder.
Arosa ha pers ordaifer cunter Seewen cun 0:1. Seewen ha decis questa partida curt avant la fin. Er la davosa partida cunter Thun n'è betg gartegiada a l'equipa.
En la tabella è Cuira sin plazza dus cun medem blers puncts sco Huttwil . Sin plazza trais è Seewen. Arosa è sin plazza tschintg, sut Seewen e Thun.