En l'emprima liga ha Partenz-Signuradi gudagnà il mardi saira cunter Rheintal cun 5:3. Uschia restan ils Grischuns en la tabella sin ils chaltgogns da Dübendorf che maina en la tabella.
La decisiun è crudada en il segund terz, cura che Partenz-Signuradi ha pudì augmentar il 1:1 sin in 4:2. En il davos terz ha Rheintal anc sajettà in gol – paucas secundas avant la fin da la partida han ils Grischuns dentant fatg tut cler cun marcar il 5:3.