Amez la stad èn las equipas da hockey grischunas gia vi dal trenament e la preparaziun sin la proxima stagiun. Era il EHC San Murezzan da la segunda liga da hockey. Sco mintga equipa regiunala èsi era la gronda sfida dal EHC San Murezzan da tegnair ensemen l’equipa uschè bain sco pussaivel. L’equipa da l’Engiadina Auta ha dentant da cumpensar questa stad sperditas gravantas. Gest in maun plain giugaders banduna il EHC San Murezzan, tranter quellas era il schef da la defaisa e capitani Marc Wolf.
Donati e Wolf bandunan San Murezzan aifer dus onns
Gia la stagiun passada ha San Murezzan stuì cumpensar la fin da la carriera dal capo tiragols Gianni Donati. Questa stad ha San Murezzan da remplazzar il capitani Marc Wolf. Omadus eran leaders e persunas d’integraziun tar il EHC San Murezzan.
Giuvens han da surprender responsabladad
Suenter che gest tschintg giugaders han bandunà il EHC San Murezzan piglia l’equipa uss suenter agens juniors, dentant ha la squadra era engaschà giugaders dad autras equipas per la nova stagiun. Da Saastal en il Vallais arriva tranter auter Nicolas Ducoli. Alura era Thomas Haas e Vasile Santini, omadus da Biasca/Chiasso
RR sportissimo 17:00