Giubileum da 40 onns - Ediziun da giubileum, senza gronda festa

La cursa da stad da l’Engiadina Bassa a Scuol datti gia dapi 40 onns. La cursa ch'è naschida ils onns otganta or da l’idea da porscher er durant ils mais da la stad ina cursa nua ch'ins sa mesira cun auters ha superà tut las crisas ed è anc adina part dal chalender d’occurrenzas. Era sche la cursa ha gia vis megliers temps, quai che pertutga las participantas ed ils participants, è ella anc adina qua e fa plaschair a quels che van a la partenza.

Cursa da currer, cursas da nordic walking e nov er cursas grond e pitschen

Ils uffants èn il futur, quai n'è betg auter tar il sport da currer. Uschia era qua gia pli ditg il giavisch da tscherts geniturs da pudair far la cursa ensemen cun lur uffant. Per l’ediziun da giubileum ha quai da per l’emprima giada la pussaivladad da far la cursa ensemen cun in genitur. E quella offerta ha inqual nizzegià. Er ina trentina uffants han fatg part a la cursa.

Martin Ackermann ed Ilse Schütz èn ils victurs da las cursas roialas

Dentant han er curriduras e curridurs indigens procurà per buns resultats. Tar ils umens è Dumeng Oswald da Ramosch vegnì quart, Claudia Höllriegl da Samedan è vegnida segunda tar las dunnas. Ed ina victoria dubla indigena hai dà tar la cursa da 5.2 kilometers. Saskia Barbüda dad Ardez ha gudagnà avant Valeria Benderer da Sent.

Impressiuns da la cursa