Il Club da hockey d’Engiadina ha procurà la stagiun passada per in novum. Anc mai n'è l’equipa vegnida trenada gist da quatter trenaders. Il trenader actual, Benny Wunderer, aveva fatg il pass enavos tar las equipas da junioras e juniors. Per l’emprima equipa dal CDH Engiadina fascheva el mo pli in trenament durant l’emna. Il trenament final e lura er ils gieus partivan il trio Domenic Bott, Andri Riatsch e Leo Camichel.
Domenic Bott ed Andri Riatsch chalan
Davent da l’entschatta era questa soluziun ina soluziun ad interim. Il duo Bott e Riatsch na stat suenter ina stagiun betg pli a disposiziun a l’emprima equipa. Il CDH Engiadina è perquai a la tschertga d'in successur. Ina tschertga ch’è difficila. Il martgà en l’Engiadina Bassa è sitg, u han candidats pussibels ditg giu.
Il martgà en l’Engiadina Bassa è sitg, e quels che nus avain dumandà han ditg giu
Tschertga dad in nov trenader vegn schlargiada
Pervia ch'ils responsabels dal CDH Engiadina n'han betg chattà in successur per il post da trenader da l’equipa che dat il campiunadi en segunda liga, han els schlargià il radius. Er sch'i na fa betg ina preschuna vulan ils responsabels dal CDH Engiadina preschentar durant las proximas emnas il nov trenader. Uschia sa quel plaun plaunet cumenzar cun la preparaziun sin la proxima stagiun da hockey che cumenza il settember.
