En la segunda liga interregiunala ha Cuira 97 pers ordaifer cunter il FC Rapperswil-Jona cun 1:3. En la tabella sa chatta la squadra da la chapitala grischuna sin il 12avel plat ed è uschia sur il stritg.
Il CB Domat che dat en segunda liga ha giugà pari ordaifer cunter il FC Altstätten 4:4. Cun quest resultat è Domat en la tabella sin il sisavel plaz.
Dus paris en segunda liga
En la terza liga han Valposchiavo Calcio e l'US Schluein-Glion giugà pari 2:2. Poschiavo resta uschia a la testa da la tabella cun dus puncts avantatg sin Schluein-Glion.
Cun il medem resultat è era ì a fin il gieu tranter Tusaun/Cazas e Trun/Rabius.