En la cuppa svizra ha il CB Trun Rabius gudagnà ordaifer cunter l’FC Urnäsch cun 9:8 suenter sajettar penaltis. Suenter la prolungaziun stevi 2:2 tranter il club da ballape sursilvan da la terza liga ed il club da ballape appenzellais da la quarta liga. Cun la victoria dad oz ha il CB Trun Rabius cuntanschì l’otgavel final.
En la cuppa grischuna ha l’US Schluein Glion cuntanschì il mezfinal. En il quartfinal han ils Sursilvans gudagnà il gieu cunter Cuira 97 cleramain cun 4:0.