En il gieu da qualificaziun per il campiunadi europeic ha la Svizra fatg a chasa in pari da 2:2 cunter la Rumenia. La naziunala svizra dat uschia ord maun ils emprims puncts en il quart gieu da qualificaziun. Ils adversaris han sajettà ils dus gols pir a la fin dal gieu – l’ultim schizunt en il temp supplementar. Ils dus gols svizzers ha sajettà Zeki Amdouni.
En il proxim gieu da qualificaziun frunta la Svizra sin il Cosovo. Quel è lura ils 9 da settember.
Ulteriurs resultats da la gruppa svizra
- Belarus ha gudagnà cunter il Cosovo cun 2:1
- E l'Israel ha battì Andorra cun 2:1
