Fabrizio Cavegn da Vella ha dà gievgia saira ses debut en in gieu internaziunal per il FC Vaduz. E gist en ses emprim gieu ha el sajettà in gol. En l'emprima runda da qualificaziun per la Conference League ha Cavegn sajettà il 1:0 per ses team dal Liechtenstein, quai en la 22avla minuta. A la fin ha il FC Vaduz tuttina stuì ceder encunter la squadra belarussa da Neman Grodno. Quella ha gudagnà cun 1:2. Il gieu da return è en in'emna.
audio
Per Fabrizio Cavegn èsi gia stà ordavant in fitg spezial gieu
ord RTR Audio dals 14.07.2023.
Maletg: Fabrizio Cavegn
laschar ir. Durada: 13 Secundas.
Il Lumnezian ha pir questa stad midà da la squadra sut 21 da Son Gagl tar il FC Vaduz che dat en la Challenge League. Sco victur da la cuppa dal Liechtenstein dastga il club era dar sin palancà internaziunal.
