La skiunza alpina Michelle Gisin sto far pausa. Ella ha la malsogna da Pfeiffer (Pfeiffersches Drüsenfieber). L'entschatta dal mais sajan ils emprims indizis sa mussads, ha communitgà Swiss-Ski. Ella haja sentì ch'ella saja stada fitg stancla e na pudeva betg. La campiunessa olimpica en la cumbinaziun dal 2018 spera da bainbaud puspè pudair trenar sco usità.
La malsogna da Pfeiffer è ina malsogna normalmain miaivla che chaschuna dentant fitg gronda stancladad e fraina uschia ferm quels che vegnan malsauns.
audio
ord RTR Audio dals 28.07.2021.
laschar ir. Durada: 4 minutas 46 Secundas.
Per tadlar: las novitads da las 17:00