Passa duas minutas perda il Grischun Dario Cologna sin ils megliers da la cursa 15 kilometers stil classic, el daventa uschia 28avel. Ed ils ulteriurs Svizzers èn anc pli lunsch enavos, Roman Furger sin plaz 38, Beda Klee sin plaz 41, Jason Rüesch sin plaz 50 e Livio Bieler sin plaz 56.
Victur a Lahti daventa il Finlandais Iivo Niskanen che distanziescha la concurrenza per 10 secundas e dapli. Sin ils plazs 2 fin 11 sa classeschan sulet atlets da la Norvegia e da la Russia.
Ulteriura victoria per Johaug
La Norvegiaisa gudogna la cursa sur 10 kilometers stil classic cun in avantatg da 3,4 secundas sin la Svedaisa Ebba Andersson. Terza daventa la Finlandaisa Krista Pärmäkoski. Passlunghistas svizras n’èn betg stadas a la partenza.
RTR novitads 14:00