Il Russ Alexander Bolschunov ha gudagnà la cursa sur 15 kilometers skating a Falun en la Svezia avant il Norvegiais Sjur Røthe e l'ulterir Russ Ivan Yakimushkin. Tranter ils emprims 8 èn 5 Norvegiais e 3 Russ.
Uschia ha Bolschunov augmentà ses avantatg en il classament general da la cuppa mundiala sin quasi 400 puncts sin Johannes Høsflot Klæbo – che n'è betg stà a la partenza.
Meglier Svizzer è vegnì Dajan Danuser sin plaz 41 cun 35 secundas retard. Betg viagià en la Svezia è Dario Cologna. El è restà a Tavau per sa preparar sin las proximas cursas.
RTR novitads 11:00