L'equipa naziunala da ballape tudestga ha in nov trenader – Hansi Flick. Il trenader dal FC Bayern München surpiglia suenter il campiunadi europeic questa stad la batgetta da Joachim Löw. Ses contract vala enfin il 2024, ha la Federaziun da ballape tudestga confermà.
Hansi Flick è stà tar la victoria ad il campiunadi mundial a Brasilia l'onn 2014 il trenader d'assistenza da la naziunala tudestga.