La squadra naziunala da ballape da las dunnas survegn in trenader ad interim. Per ils dus proxims gieus da la Nations League surpiglia Reto Gertschen la responsabladad, anteriur giugader da la liga naziunala e trenader d'equipas da juniors.
Reto Gertschen ha giugà durant sia carriera en la liga naziunala A per ils Young Boys, Losanna, Sion, Servette e Son Gagl. L'onn 1990 ha el dà cunter ils Stadis Unids ses sulet gieu da pajais. Dapi ch'el ha chalà da dar ballape è il Bernais da 58 onns sa concentrà sin sia carriera da trenader.
Inka Grings betg pli trenadra da la naziunala da las dunnas
Inka Grings n'è betg pli la tranadra da la squadra naziunala svizra da las dunnas. Sco che la Federaziun da ballape da la Svizra aveva scrit en ina communicaziun, hajan els e Grings terminà lur collavuraziun en enclegientscha. Grings è trenadra da la squadra naziunala dapi l'entschatta da l'onn.
La naziunala svizra ha pers fin ussa tut ils quatter gieus en la Nations league e fatg be in gol. En ses temp sco trenadra ha la naziunala be gudagnà in gieu.
