En la Super League hai dà questa saira ils suandants resultats: Il FC Basilea ha gudagnà a chasa cunter Lucerna cun 3:0. Lugano perda cunter Neuchatel Xamax cun 0:1 ed era cun 0:1 perda Servette cunter Turitg.
A la testa da la tabella resta Basilea cun 22 puncts. 3 puncts avant ils Young Boys.
Ils gieus da la sonda
Ils Young Boys Berna gudognan a chasa cunter il FC Sion cun 3:2. Sion è bain ì en avantatg cun 0:1 suenter 8 minutas entras in gol dad Uldrikis. Entaifer 14 minutas ha YB gia pudì volver la partida entras gols da Aebischer e Nsame. Curt suenter la pausa ha Sion bain pudì egualisar – il pari ha dentant tegnì sulettamain 7 minutas fin che Fassnacht ha sajettà il gol decisiv al 3:2.
Son Gagl gudogna e gudogna
In'ulteriura victoria hai dà per il FC Son Gagl. A chasa ha Son Gagl gudagnà cunter il FC Thun cun 4:0. La basa per la victoria ha Son Gagl gia fatg en l'emprima mesadad. Gia suenter 32 minutas manavan ils ospitants cun 2:0. Durant l'entira partida n'è Thun strusch vegnì da metter accents. Per Son Gagl percunter èsi la quarta victoria en seria.
Super League
rang | club | gieus | differenza da gols | puncts |
1. | YB | 16 | 38:24 | 34 |
2. | Basilea | 16 | 36:15 | 33 |
3. | Son Gagl | 16 | 37:21 | 32 |
4. | Turitg | 16 | 20:26 | 27 |
5. | Servette | 16 | 21:17 | 21 |
6. | Sion | 16 | 24:30 | 20 |
7. | Lugano | 16 | 17:18 | 19 |
8. | Lucerna | 16 | 15:25 | 15 |
9. | Xamax | 16 | 18:30 | 12 |
10. | Thun | 16 | 14:34 | 9 |
RR novitads 22:00