Ils organisaturs da las trais etappas dal Tour de Ski a Lai èn cuntents. Quai er grazia a las trais victorias svizras. Tenor il president dal comité d'organisaziun, Hannes Parpan, sajan quests success svizzers da gronda valur. L'atmosfera en il stadion a Lantsch sco er per lung il traject saja stada grondiusa, uschia Parpan. Ed era ils resuns da giasts, las medias e las equipa pertutgant l'organisaziun e l'infrastructura sajan positivs.
Pli pacs visitants pervia da la naiv
Il dumber da visitants è dentant cun 15‘000 persunas sut las spetgas. Per Parpan è la naiv il motiv. Las cundiziuns sin las vias pudessan avair motivà l’in u l’auter da desister ad ina visita.
La FIS e la Swiss-Ski han gia ditg tiers da manar tras il Tour de Ski 2019/20 danovamain a Lai. E Parpan è persvadì ch'ins possia entusiasmar ses partenadis suenter l'occurenza gartegiada da quest onn.
-
Bild 1 von 3Legenda: Cun ses prestaziuns a Lai è Dario Cologna ussa davant en la rangaziun totala. MAD -
Bild 2 von 3Legenda: Per Melanie Meillard è quai sia meglra prestaziun en la cuppa mundiala. MAD
-
Bild 3 von 3Legenda: Cunzunt er ils resultats da Dario Cologna han contribuì a l'atmosfera grondiusa. Keystone
RR novitads 11:00