Fin la 45avla minuta è Tavau stà enavos cun 0:2. Entaifer diesch minutas èsi lura reussì als Grischuns da volver la partida ed egalisar il 3:3. En la lutga da penaltis ha lura Kloten gì la meglra fin da sia vart.
Per il HCD han fatg ils gols il Finlandais Perttu Lindgren en la 45avla minuta, Dario Simion en la 51avla minuta ed il Tschec Robert Kousal en la 55avla minuta.
Per Kloten han tutgà Daniele Grassi en la terza e 19avla minuta, e Bobby Sanguinetti en la 54avla minuta.
Malgrà questa terrada sa qualifitgescha il HCD definitivamain per ils playoffs. En la tabella è Tavau vinavant sin il tschintgavel plaz cun 69 puncts.
Remartgas
Il HCD ha giugà senza Axelsson, Egli, Sciaroni (tuts blessads), Aeschlimann (reconvalescent), sco er Ruutu (ester surpli).
Forster banduna HCD
Beat Forster, il defensur dal HCD, mida a partir da l’autra stagiun tar il club da hockey da Bienna. Quai ha communitgà il club da hockey da Tavau. Forster ha 34 onns ed è oriund da l’Appenzell. El ha cumenzà e giugà bunamain sia entira carriera per Tavau. Beat Forster è cun bunamain 800 partidas en la Liga naziunala A in dals defensurs cun la pli grond’experientscha en Svizra.
Hockey: Classament liga naziunala A (05-03-2018)
Team | Gieus | Relaziun da gols | Puncts | |
1. | Berna | 50 | 167:112 | 102 |
2. | Zug | 50 | 153:122 | 91 |
3. | Bienna | 50 | 150:124 | 89 |
4. | Lugano | 50 | 159:130 | 86 |
5. | Friburg | 50 | 133:139 | 77 |
6. | Tavau | 50 | 134:156 | 75 |
7. | ZSC Lions | 50 | 144:133 | 75 |
8. | Genevra Servette | 50 | 132:153 | 71 |
9. | SCL Tigers | 50 | 120:134 | 67 |
10. | Losanna | 50 | 149:169 | 63 |
11. | Ambri-Piotta | 50 | 136:168 | 57 |
12. | Kloten | 50 | 120:157 | 47 |
RR novitads 22:00