En il gieu da return han ils Bernais battì Dynamo Kiew cun 2:0. Suenter l' 1:3 en il prim gieu è YB vinavant pervi da la regla dal gol d'ordaifer.
Ils gols per YB han sajettà Hoarau en la 13avla minuta cun in penalti e Lomtomba en la 90avla minuta. Las sis minutas prolungaziun n'han betg tanschì a Kiew per sajettar anc in gol.
Per Sion è l’aventura Europa a fin
Il club da ballape da Sion percunter è crudà ora sco spetgà en la qualificaziun per la cuppa d'Europa. En il gieu da return ha Sion giugà pari 1:1 cunter Suduva Marijampole da la Lituania - quai malgrà bleras schanzas.
Suenter il 0:3 en il prim gieu è l'aventura Europa a fin per ils Vallesans. Il gieu è stà a Genevra avant 410 aspectaturs.
RR novitads 23:00