La skiunza svizra Wendy Holdener gudogna la cumbinaziun alpina a Lai.
Suenter il super-G era Holdener anc quarta. Cun ina buna cursa da slalom distanziescha ella la segunda e la terza:
- Wendy Holdener da la Svizra (2:01,18)
- Marta Bassino da l'Italia (+1,55)
- Ana Bucik da la Slovenia (+1,56)
La gronda surpraisa è stada la Slovena Ana Bucik ch'è daventada terza grazia al ferm slalom. Avant era ella anc 30avla. L'emprima dal super-G, l'Americana Lindsey Vonn, daventa la finala quarta.
Las ulteriuras Svizras
- 8. Denise Feierabend
- 9. Michelle Gisin
- 12. Lara Gut
- 14. Priska Nufer
Out tar la premiera
Il debut da Luana Flütsch n’è betg gartegià sco giavischà. Tar sia premiera en la cuppa mundiala è la giuvna skiunza da 23 onns da St. Antönien crudada ora gia en il super-G.
Per Luana Flütsch è l’impurtant dentant stà da rimnar intginas experientschas e da finalmain dastgà ir a la partenza cun las meglras skiunzas dal mund.
RR novitads 14:00