Legenda:
Lewis Hamilton a Spielberg suenter sia terza victoria da quest onn.
Keystone
cuntegn
Naziunal/Internaziunal - Terza victoria per Lewis Hamilton
Lewis Hamilton gudogna il Grond Premi da l'Austria a Spielberg e festivescha uschia sia terza victoria da quest onn. Sin il podest rivan Max Verstappen sin Red Bull sco segund e Kimi Räikönnen sin Ferrari sco terz.
Nico Rosberg ha gì en la davosa runda anc ina collisiun cun ses collega da squadra Lewis Hamilton e vegn mo sin plazza 4. Perquai maina Rosberg il classament mundial mo anc cun 12 puncts avantatg sin Hamilton.
Ils pilots da Sauber, Felipe Nasr e Marcus Ericsson, arrivan sin las plazzas 13 respectiv 15. Sebastian Vettel è croda or da la cursa pervi dad in pneu schluppà.
