Naziunal/Internaziunal - «Super team» – la bilantscha dal Tour de ski
Guido Mittner ha organisà per la prima giada sco president dal comité d'organisaziun il Tour de ski en Val Müstair ed è satisfatg da la lavur prestada. En spezial da las duas innovaziuns: in sigl ed ina curta ascensiun stippa da 23%.
Sut circumstanzas idealas, cun aura da bellezza e temperaturas agreablas han radund 6'000 aspectaturas ed aspectaturs dà curaschi a las passlunghistas ed ils passlunghists sin lur traject da 1,4 kilometers distanza.
Cun in pitschen sigl en il traject e cun ina curta muntada da 23% ha il sprint dal Tour de ski en Val Müstair inoltrà gist duas innovaziuns en la cuppa mundiala da passlung.
