Durant che Juventus Turin sto vegnir a frida en quest duel senza il star giuven Paul Pogba, manca en il cader dals Spagnols l’attatgader Karim Benzema ed il giugader d’amez Luka Modric. Da la partida è perencunter Stephan Lichtsteiner. Il giugader da la naziunala svizra en il cader da Juventus Turin duellescha questa saira encunter Cristiano Ronaldo, il superstar portugais en il cader da Real Madrid.
Il mezfinal tranter Juventus Turin e Real Madrid cumenza questa saira a las 20:45 uras. En il segund mezfinal frunta damaun il FC Barcelona sin Bayern München.