Cun questa quarta victoria en seria è il team dal CC Aarau enturn il skip Silvana Tirinzoni gia da strusch a la qualificaziun per il mezfinal. L'ultima victoria encunter las Finlandaisas è però stada pli greva da cuntanscher che quai ch'il resultat lascha sminar. Il resultat cler è pir sa dà suenter che l'ultima attatga da l'equipa finlandaisa è ì en las chautschas.
Situaziun cuntraria tar ils umens
Ils umens svizzers percunter na vegnan betg giu dal flatg. En il quart gieu ha l'equipa cun il skip Peter de Cruz pers cunter la Scozia cun 4:8. Igl è gia la terza terrada.
RR novitads 15:00