-
Bild 1 von 8Legenda: 1 Partì cun il numer 1 e arrivà sco emprim: Dario Cologna, il victur dal 49avel Maraton da skis engiadinais. Keystone -
Bild 2 von 8Legenda: 2 Ils pli sperts: 2.) Anders Gloersen 1.) Dario Cologna 3.) Illia Tschernoussow (da san.). Keystone
-
Bild 3 von 8Legenda: 3 Las pli spertas: 2.) Rahel Imoberdorf 1.) Mari Eide 3.) Caitlin Gregg (da san.). Keystone
-
Bild 4 von 8Legenda: 4 Dario Cologna e Mari Eide (N) gudognan il 49avel Maraton da skis engiadinais. Keystone
-
Bild 5 von 8Legenda: 5 Scena dal famus guaud da Staz. Keystone
-
Bild 6 von 8Legenda: 6 12’211 sportistas e sportists èn partids a Malögia. Keystone
-
Bild 7 von 8Legenda: 7 En viadi vers S-chanf. Keystone
-
Bild 8 von 8Legenda: 8 Fertant ch’ils emprims èn gia partids sa preparan millis a lur partenza da Malögia. Keystone
- Il victur Dario Cologna ha fatg ils 42 kilometers da Malögia a S-chanf en 1:27,46 uras ed è stà uschia radund 20 minutas pli spert ch’il 2016. El gudogna il Maraton per la terza giada.
- Plaz dus fa il norvegiais Anders Gløersen , ch'aveva gudagnà il Maraton l'onn 2014.
- Plaz trais fa il russ Ilja Tschernoussow , l’um da la biatleta engiadinaisa Selina Gasparin. Tschernoussow aveva gudogna il Maraton da skis engiadinais il 2015.
- Tar il umens èn 4 Grischuns en ils emprims 20 : Sper il victur Dario Cologna cun Toni Livers sin plaz 10, Curdin Perl (Puntraschigna) sin plaz 15 e Livio Bieler (Tavau) trais ulteriurs Grischuns. Dajan Danuser da Bad Ragaz vegn 20avel.
- La norvegiaisa Mari Eide participescha per l'emprima giada al Maraton e gudogna el cun 17,6 secundas avantatg sin la vallesana Rahel Imoberdorf. Terza vegn Caitlin Gregg dals Stadis Unids.
- Tar las dunnas èn 3 Grischunas en las emprimas 20 – Seraina Boner da Tavau. vegn quarta. I seguan Heidi Widmer da Tavau sin plaz 18 e Flurina Eichholzer da Zernez sin plaz 20.
- 12'211 participantas e participants èn partids tranter las 08:30 (elita) e las 09:23 (curridurs populars) a Malögia. Ellas ed els avevan temp maximalmain fin las 16:00 da far ils 42 kilometers a S-chanf.
- Las cundiziuns per currer eran idealas: Dario Cologna resta cun ses temp dad 1:27,46 uras mo 3 minutas sur il temp da record .
Il rapport detaglià da RTR davart il Maraton da skis engiadinais chattais Vus qua.