Swiss Olympic ha selecziunà 5 mountainbikers per ils gieus olimpics a Rio de Janeiro. Sco grond favurit tar ils umens vala il Lumnezian Nino Schurter e tar las dunnas Jolanda Neff dal chantun Son Gagl.
Dasper Schurter e Neff èn vegnids selecziunads Mathias Flückiger e Lars Forster tar ils umens sco er Linda Indergand tar las dunnas. Per tuts trais èsi ina premiera als gieus olimpics en Brasilia.
Tut ils tschintg atlets han ademplì las pretaisas naziunalas ed internaziunalas. Cun questas nominaziuns dumbra l'entira delegaziun da sportists svizzers per ils gieus olimpics 49 atlets.
RR novitads 16:00