Dentant era encunter las Danaisas che n'han anc cuntanschì nagina victoria, han las Svizras cun la skip Silvana Tirinzoni gì problems da vegnir en la partida. En il segund set han ellas laschà engular in crap, quai che ha manà ad in retard da 0:2.
Lura èn las vice-campiunessas europeicas dentant sa dasdadas. Cun plazzar quatter craps en chasa e cun engular in punct, volvan las Svizras la partida anc avant la mesadad. Suenter ch’ellas fan lura ulteriurs quatter craps enina en il setavel end, dattan las Danaisas si la partida.
RR novitads 17:00