En il final dal campiunadi mundial da hockey ha il Canada battì la Finlanda cun 2:0. Per la Finlanda è il gieu dad oz stà l'unica terrada da tut il campiunadi mundial.
Per la 26avla giada
Cun la victoria dad oz daventa il Canada per la 26avla giada campiun mundial. Cun quai manca als Canadais mo anc in triumf per avair gudagnà uschè bleras giadas in campiun mundial sco la Russia.
La medaglia da bronz da quest campiunadi è ida a la Russia. Ella ha battì ils Stadis Unids cun 7:2. Per la Russia è quai la terza medaglia ad in campiunadi mundial en seria, suenter aur il 2014 ed argent il 2015.
RR novitads 18:00